Firefox wam zmóžnja, z Firefox ze startoweje wobrazuowki Android pytać, bjez toho zo byšće do toho wobhladowak startował.

Pytanski asistent přidać

Hdyž łahodnje na symbol Firefox tłóčiće, so meni zjewi; móžeće jón direktnje wužiwać, zo byšće swojej startowej wobrazowce pytanski asistent přidał. Jeli tute nastajenje k dispoziciji njeje, přewjedźe slědowace kroki:

1. Tłóčće na prózdne městno na swojej startowej wobrazowce.
2. Podótkńće so Widgets.
3. Pytajće Firefox w lisćinje, podótkńće so asistenta a dźeržće jón, a ćehńće jón do swojeho preferowaneho městna swojeje startoweje wobrazowki.

Jeli nochceće standardnu wulkosć wužiwać, tłóčće pytanski asistent, doniž so kromy njepokazuja (abo startowa wobrazowka přeńdźe do wobdźěłowanskeho modusa) a ćehńće kromy do swojeje preferowaneje wulkosće, zo byšće wulkosć pytanskeho asistenta změnił.

Pytanski asistent wužiwać

Zo byšće pytanje startował, podótkńće so symbola abo pytanskeho pola, zo byšće pytanskeho pola Firefox wočinił.

Móžeće so tež mikrofona podótknyć, zo byšće hłosowe pytanje wužiwał.
Dźiwajće na to, zo mikrofon tam jenož budźe, jeli so do asistenta hodźi a sće hłosowu biblioteku zainstalował.