Awtomatiske konwertowanje kontow Google mail do awtentifikacije OAuth 2.0

Thunderbird 91.8.0, wozjewjeny 5. apryla 2022, awtentifikaciski metodu kontow Gmail do OAuth 2.0 konwertuje, zo by wužiwarjam pomhał, zo bychu žadanju Google za OAuth 2.0 za přizjewjenja Gmail wotpowědowali. Tute změny sej Google kaza.

Kak da so OAuth-nimokulenje wobeńć abo porjedźić, kotrež je so přez wotpokazane placki zawinowało

Přepruwujće najprjedy swoje powšitkowne nastajenje za placki w Thunderbird:

• Dźiće do ≡ > Nastajenja > Priwatnosć a wěstota > Webwobsah.
• Pytajće za kontrolnym kašćikom Placki ze sydłow akceptować.

Jeli nastajenje Placki ze sydłow akceptować zmóžnjene njeje, přewjedźće jedyn ze slědowacych krokow a přeběžće přizjewjenski proces OAuth znowa:

• Wutworće wuwzaće, zo byšće placki wot Google akceptował:
  • Klikńće pódla tłóčatka Wuwzaća…, zo byšće dialog Wuwzaća - Placki wočinił.
  • Zapodajće https://accounts.google.com do zapodawanskeho pola Adresa websydła.
  • Wubjerće Dowolić a potom Změny składować.
• Abo akceptujće wšě placki:
  • Stajće hóčku před Placki ze sydłow akceptować.

Po tym zo sće OAuth-proces přeběžał, móžeće, jeli chceće, placki zaso wotpokazać, dokelž přijimanje a słanje mejlkow z wotpokazanymi plackami fungujetej. Ale, hdyž wšě placki wotpokazujeće a wuwzaće wotstronjeće, ma to njelěpšinu, zo, hdyž OAuth-token za Gmail-proces spadnje, so OAuth-dialog pokaza a so zaso nimokuli, doniž trěbne placki njeakceptujeće.

Za wjace podrobnosćow wo plackach, hlejće nastawk Privacy panel - Remote content and cookie settings in Thunderbird.

Kak móžeće nimokulenje OAuth wobeńć abo porjedźić, kotrež so přez znjemóžnjeny JavaScript zawinuje

• Dźiće k ≡ > Nastajenja > Powšitkowne > Konfiguraciski editor….
• Zapodajće tole do pytanskeho pola Mjeno nastajenja pytać: javascript.allow.mailnews.
  • Jeli linku pytanskeho wuslědka z hódnotu javascript.allow.mailnews widźiće, kotruž false wobsahuje, dyrbiće hódnotu do true změnić - klikńće na tłóčatko Přepinać naprawo.
  • Jeli linku z javascript.allow.mailnews widźiće, kotraž hódnotu true abo tłóčatko + na kóncu linki wobsahuje, njetrjebaće ničo změnić.

Přepruwować, hač su so prawe awtentifikaciske tokeny składowali

• Dźiće k ≡ > Nastajenja > Priwatnosć a wěstota > Hesła > Składowane hesła.
  • Jeli kontowa awtentifikacija je so na OAuth2 stajiła a OAuth-přizjewjenje je wuspěšne było, měł wy zapiski za kóžde wužiwarske mjeno (Gmail-konto) w slědowacej formje widźeć

oauth://accounts.google.com (https://mail.google.com/ …)

Kedźbu: Oauth-zapisk je awtentifikaciski token OAuth2, a nic hesło.

• Jeli kontowa awtentifikacija je so na OAuth2 stajiła a OAuth-přizjewjenje njeje wuspěšne było, přepruwujće swoje hesłowe zapiski za poskićowarjow ze slědowacej formu a zhašejće je:

imap://imap.gmail.com (imap://imap.gmail.com)

smtp://smtp.gmail.com (smtp://smtp.gmail.com)

Jeli hišće problemy maće, móžeće w pomocy Thunderbird prašenje stajić.