Posledni raz zaktualizowany:
Wokno Pytać w nastajenjach Firefox wam zmóžnja, waše pytanske nastajenja přiměrić. Móžeće pytawy přidać abo wotstronić, swoju standardnu pytawu změnić, skrótšenki klučowych słowow připokazać abo změnić, pytanske polo pokazać abo schować a wubrać, hač so maja pytanske namjety pokazać abo nic.
Zapis wobsaha
Wokno „Pytać“ wočinić
- Klikńće w menijowej lajsće horjeka na wobrazowce na a wubjerće potom , po wersiji macOS.Klikńće na menijowe tłóčatko
a wubjerće .
- Wubjerće w lěwym wobłuku.
Pytanske polo
- Adresowe polo za pytanje a nawigaciju wužiwać: To je standardne nastajenje. Skići zjednoćene pytanske a adresowe polo.
- Symbolowej lajsće pytanske polo přidać: Wubjerće tute nastajenje, jeli separatne pytanske polo preferujeće.
Standardna pytawa
Wužiwajće wuběranski meni pod Standardna pytawa, zo byšće pytawu wubrał, kotruž chceće po standardźe wužiwać.
Pokazka: Někotre rozšěrjenja, kotrež su so Firefox přidali, móža nowu standardnu pytawu nastajić.
Móžeće rozšěrjenje znjemóžnić abo wotstronić, kotrež je změnu přewjedło abo móžeće druhu pytawu z wuběranskeho menija wubrać, jeli chceće radšo druhu jako standardnu měć.
Pytanske namjety
Hdyž do pytanskeho pola abo adresoweho pola zapisujeće, waša standardna pytawa na zakładźe woblubowanych abo prjedawšich pytanjow namjety pokazuje. Hlejće Pytanske namjety w Firefox za dalše informacije.
- Pytanske namjety podać: Wubjerće tute nastajenje, zo byšće pytanske namjety pokazał abo nic.
- Pytanske namjety we wuslědkach adresoweho pola pokazać: Jeli pytanske namjety su zmóžnjene, wubjerće tute nastajenje, zo byšće pytanske namjety tež we wuslědkach pokazował, kotrež so nalistuja, hdyž z adresoweho pola Firefox pytaće. Do dweju namjetow z wašeje pytanskeje historije móžetej so tež pokazać. Tej so z časnikowym symbolom město lupoweho symbola woznamjenjetej.
- Pytanske namjety před přehladowanskej historiju we wuslědkach adresoweho pola pokazać: Wubjerće tute nastajenje, zo byšće pytanske namjety před swojej přehladowanskej historiju pokazał.
- Pytanske namjety w priwatnych woknach pokazać: Wubjerće tute nastajenje, zo byšće pytanske namjety w priwatnych woknach pokazał.
Pytawy z jednym kliknjenjom
Hdyž započnjeće do adresoweho abp pytanskeho pola pisać, budźeće symbole za druhe pytawy widźeć, z kotrymiž móžeće pytać:
Móžeće alternatiwnu pytawu wubrać a ju za swoje pytanje z jednym kliknjenjom wužiwać, jeli nochceće aktualnu standardnu pytawu wužiwać.
Zo byšće alternatiwne pytawy wotstronił, kotrež nimaja so w pytanskim polu abo adresowym polu pokazować, wotstrońće hóčku pódla pytawy, kotraž je we woknje Pytać pod Pytawy z jednym kliknjenjom nalistowana. To pytawy same njewotstronja.
Alternatiwy za pytanje z jednym kliknjenjom
Hdyž pospytujeće, pytanski wuraz do adresoweho pola abo pytanskeho pola pisać, budźeće symbole pod pytanskimi namjetami widźeć, z kotrymiž móžeće město toho pytać: druhe pytawy, přidatki Firefox, zapołožki, rajtarki abo historija.
Móžeće alternatiwyn pytanski typ wubrać a jón za swoje pytanje z jednym kliknjenjom wužiwać, jeli nochceće aktualnu standardnu pytawu wužiwać.
Zo byšće alternatiwne pytawy wotstronił, kotrež so nimaja w pytanskim polu abo adresowym polu pokazać, wotstrońće hóčku pódla pytawy, kotraž je w pytanskim woknom pod Pytanske skrótšenki podata. To pytawy same njewotstroni.
Pytawy wotstronić abo přidać
Zo byšće pytawu z Firefox wotstronił, wobnowće standardne pytawy, kotrež sobu přinjese abo přidajće nowu pytawu, dźiće k wotrězkej Pytanske skrótšenkiJednokliknjenske pytawy pytanskeho wokna.
Pytawu wotstronić
- Klikńće na pytawu, kotruž chceće wotstronić, zo byšće ju wuzběhnył.
- Klikńće deleka na tłóčatko , zo byšće ju ze swojeje lisćiny wotstronił.
Standardne pytawy wobnowić
Jeli pytawy wotstronjeće, kotrež Firefox po standardźe sobu přinjese, klikńće na deleka w pytanskim woknje, zo byšće je wróćo přinjesł.
Nowu pytawu přidać
- Klikńće na wotkaz Dalše pytawy pytać deleka w pytanskim woknje.
- Strona přidatkow Firefox so wočini, kotraž wšě pytawy nalistuje, kotrež su k dispoziciji.
- Klikńće na pytawu, kotruž chceće přidać a potom na .
Za dalše informacije wo přidawanju abo wotstronjenju pytawow hlejće Pytawu w Firefox přidać abo wotstronić.
Klučowe słowa pytawow
Móžeće swojim najlubšim pytawam skrótšenki klučowych słowow připokazać abo je změnić, zo byšće wuwjedźenje pytanja wosnadnił. Za dalše informacije hlejće Assign shortcuts to search engines.
