Zhońće, kak móžeće w Firefox za Android dataje sćahnyć a k nim přistup měł.

Kak móžeće dataju sćahnyć

Dataju sćahnyć, na přikład .pdf-dataju

1. Podótkńće so sćehnjenskeho wotkaza.
2. Sćehnjenske wobkrućenje so zjewi, kotrež mjeno a wulkosć dataje pokazuje.
   Podótkńće so tłóčatka Sćahnyć, zo byšće wobkrućił, zo chceće dataju sćahnyć.
   
3. Hdyž sćehnjenje je dokónčene, so zdźělenka „Sćehnjenje dokónčene“ zjewi.
   Podótkńće so tłóčatka Wočinić, zo byšće dataju z tym nałoženjom pokazał, kotrež je na wašim graće zainstalowane.
   

Wobraz sćahnyć

1. Podótkńće so wobraza a dźeržće wobraz, kotryž chceće sćahnyć.
2. Wubjerće Wobraz składować.
3. Hdyž sćehnjenje je dokónčene, so zdźělenka „Sćehnjenje dokónčene“ zjewi.
   Podótkńće so tłóčatka Wočinić, zo byšće wobraz pokazał.
   

Sćehnjene dataje pokazać a zhašeć

Móžeće swoje sćehnjene dataje ze sćehnjenskeje strony w Firefox pokazać a zhašeć.

1. Podótkńće so menijoweho tłóčatka.

2. Podótkńće so Sćehnjenja. Lisćina datajow, kotrež su so w Firefox za Android sćahnyli, so zjewi.
3. Podótkńće so dataje w lisćinje, zo byšće ju wočinił.

Sćehnjenje zhašeć:

1. Podótkńće so třidypkoweho tłóčatka naprawo wot dataje, kotruž chceće zhašeć.
2. Podótkńće so Zhašeć. Wobkrućenska zdźělenka so krótko zjewi.

Wšě sćehnjenja zhašeć:

1. Podótkńće so Sćehnjenja zhašeć horjeka na sćehnjenskej stronje.
2. Wubjerće ZHAŠEĆ, zo byšće zhašenje dataje wobkrućił.