Tutón nastawk problemy wopisuje, hdźež Firefox njemóže websydła začitać, ale druhe wobhladowaki (na přikład Internet ExplorerInternet Explorer abo Microsoft EdgeSafariEpiphany na Gnome abo Konqueror na KDE) to móža. Hdyž so to stawa, Firefox snano zmylkowu zdźělenku Serwer njeje so namakał abo Zwisk móžny njeje pokazuje.

• Za druhe zmylkowe zdźělenki, kotrež so pokazuja, hdyž pospytujeće sej websydła we Firefox wobhladać, hlejće Websydła so nječituja - problemy rozrisać a zmylkowe zdźělenki porjedźić.
• Jeli žadyn z wobhladowakow na wašim ličaku njemóže websydła začitać, hlejće Firefox a druhe wobhladowaki njemóža websydła začitać.

Softwara internetneje wěstoty Firefox blokuje

Jeli móžešće websydła začitać, prjedy hač sće Firefox zaktualizował abo prjedy hač je so waša softwara za internetnu wěstotu zaktualizowała, překonfigurowała abo nowa je so přidała, najskerje waša softwara za internetnu wěstotu (wohnjomurje, antiwirusowe programy, antispionažne programy abo druhe) Firefox při zwjazowanju z internetom haći.

Zasadnje měł wy zawěsćić, zo waša softwara za internetnu wěstotu je aktualna a Firefox z lisćiny dowěryhódnych abo připóznatych programow swojeho programa wotstronić a jón potom zaso přidać. Za instrukcije, kak móžeće někotre programy konfigurować hlejće nastawk Wohnjowe murje tak konfigurować, zo by Firefox móhł z internetom zwjazać.

Zwiskowe nastajenja Firefox

Jeli so z internetom přez proksyserwer zwjazujeće, kotryž ma zwiskowe problemy, njemóžeće websydła začitać. Zo byšće swoje zwiskowe nastajenja w Firefox přepruwował:

1. Klikńće w menijowej lajsće horjeka na wobrazowce na Firefox a wubjerće potom Nastajenja, po wersiji macOS.Klikńće na menijowe tłóčatko a wubjerće Nastajenja.
2. Dźiće we woknje Powšitkowny dele k wotrězkej Syćowe nastajenja.
3. Klikńće we wotrězku Syćowe nastajenja na Nastajenja….
4. Změńće swoje proksynastajenja:
   • Jeli so z internetom přez proksyserwer njezwjazujeće (abo njewěsće, hač so přez proksy zwjazujeće), wubjerće Žadyn proksy.
   • Jeli so internetom přez proksy zwjazujeće, přirunajće nastajenja Firefox z tymi druheho wobhladowaka (na přikład Internet Explorer — hlejće Microsoft's guide to proxy settings)(na přikład Safari — wotwisujo wot wašeje OS X-wersije, hlejće Mac OS X 10.6: Enter proxy server settings, OS X Lion: Enter proxy server settings, or OS X Mountain Lion: Enter proxy server settings).
5. Začińće dialog Zwiskowe nastajenja.
6. Začińće stronu Nastajenja. Wšě změny, kotrež sće přewjedł, budu so awtomatisce składować.

Jeli sej mysliće, zo sej změny, kotrež sće w zwiskowych nastajenjach Firefox přewjedł, njespomjatkuja, hdyž Firefox znowa startujeće, hlejće Nastajenja so njeskładuja.

IPv6

Firefox IPv6 po standardźe podpěruje, kotryž móže zwiskowe problemy na někotrych systemach zawinować. Zo byšće IPv6 w Firefox znjemóžnił:

1. Zapodajće about:config do adresoweho pola a tłóčće Enter↩.
   Warnowanska strona móže so jewić. Klikńće na Riziko akceptować a pokročować, zo byšće so na stronu about:config dóstał.
2. Zapodajće network.dns.disableIPv6 do pola Pytać.
3. Klikńće na tłóčatko Přepinać pódla network.dns.disableIPv6 w lisćinje nastajenjow, zo byšće jeho hódnotu na true stajił.

DNS-předzačitanje

Firefox pospytuje začitanje nowych websydłow z pomocu DNS-předzačitanja pospěšił, kotrež móže zmylki při začitanju stronow z někotrymi systemowymi konfiguracijemi zawinować. Zo byšće DNS-předzačitanje znjemóžnił:

1. Warnowanje: Měnjenje rozšěrjenych nastajenjow móže stabilnosć a wěstotu Firefox pohubjeńšić. To je jenož radźomne za pokročenych wužiwarjow.
2. Zapodajće about:config do adresoweho pola a tłóčće Enter↩.
   Warnowanska strona móže so jewić. Klikńće na Riziko akceptować a pokročować, zo byšće so na stronu about:config dóstał.
3. Zapodajće mjeno nastajenja network.dns.disablePrefetch do pytanskeho pola about:config.
   • Jeli nastajenja hišće njeeksistuje, wubjerće Boolean a klikńće na tłóčatko Přidać .
4. Tłóčće na tłóčatko Přepinać , zo byšće hódnotu nastajenja na true stajił, jeli hišće nastajena njeje.

Firefox njemóže někotre websydła začitać

Jeli sej mysliće, zo Firefox móže někotre websydła začitać, někotre wšak nic, zhašejće najprjedy swoje placki a wuprózdńće pufrowak:

1. Klikńće na menijowe tłóčatko Wobraz "fx57menu" njeeksistuje., zo byšće menijowe wokno wočinił.
2. Klikńće na Historija a wubjerće Aktualnu historiju wuprózdnić…
3. Wubjerće z wuběranskeho menija Časowa doba za wuprózdnjenje: zapisk Wšo.
4. Wubjerće Placki a Pufrowak pod wuběranskim menijom. Zawěsćće, zo druhe zapiski, kotrež chceće wobchować, wubrane njejsu.
5. Klikńće na W porjadkuNětko wuprózdnić.

Za škódnej softwaru přepytować

Jeli so po hašenju plackow a wuprózdnjenju pufrowaka websydła w Firefox hišće njezačitaja, móhł wy swój ličak za škódnej softwaru přepytować. Wěste typy škódneje softwary su za to znate, zo so na Firefox wusměrjeja a jón při začitanju wšelakich websydłow haća:

• Jeli maće antiwirusowy program abo program za internetnu wěstotu, aktualizujće jeho datowu banku wotkryćow a přewjedźće dospołne skenowanje swojeho systema.
• Jeli potom hišće problemy maće, slědujće instrukcijam w Problemy Firefox rozrisać, kotrež so přez škódne programy zawinuja.

Přepruwujće, hač rozšěrjenje problem zawinuje

Rozšěrjenje Firefox móhło problem zawinować, předewšěm te, kotrež maja přistup k syći a/abo te, kotrež so na manipulowacy webwobsah zepěraja. Znjemóžńće swoje rozšěrjenja w zrjadowaku přidatkow jedne po jednym a začitajće stronu znowa. Hlejće Přidatki znjemóžnić abo wotstronić a Problemy z rozšěrjenjemi, drastami a hardwarowym pospěšenjom rozrisać za dalše informacije.

Bazuje na informacijach z nastawka Error loading websites (mozillaZine KB)