Pufrowak nachwilu składuje wobrazy, skripty a druhe dźěle websydłow, kotrež wopytujeće, zo by waše přehladowanske dožiwjenje pospěšił. Tutón nastawk wopisuje, kak móžeće pufrowak wuprózdnić.

• Zo byšće swoju historiju (placki, přehladowansku historiju, pufrowak atd.) naraz wuprózdnił, hlejće Přehladowansku, pytansku a sćehnjensku historiju zhašeć.

Pufrowak wuprózdnić

1. Klikńće w menijowej lajsće horjeka na wobrazowce na Firefox a wubjerće potom Nastajenja, po wersiji macOS.Klikńće na menijowe tłóčatko a wubjerće Nastajenja.
2. Wubjerće wokno Priwatnosć a wěstota.
3. Klikńće na Daty zhašeć… we wotrězku Placki a sydłowe daty.

   

4. Wotstrońće hóčku před Placki a sydłowe daty.
   • Za dalše informacije wo rjadowanju sydłowych datow hlejće Manage local site storage settings.
5. Stajće hóčku před zapisk Pufrowany webwobsah a klikńće potom na tłóčatko Zhašeć.
6. Začińće stronu Nastajenja. Wšě změny, kotrež sće přewjedł, budu so awtomatisce składować.

Pufrowak awtomatisce wuprózdnić

Móžeće Firefox tak nastajić, zo so pufrowak awtomatisce wuprózdnja, hdyž so Firefox začinja:

1. Klikńće w menijowej lajsće horjeka na wobrazowce na Firefox a wubjerće potom Nastajenja, po wersiji macOS.Klikńće na menijowe tłóčatko a wubjerće Nastajenja.
2. Wubjerće wokno Priwatnosć a wěstota a dźiće k wotrězkej Historija.
3. Wubjerće we wuběranskej meniju pódla Firefox budźe Swójske nastajenja za historiju wužiwać.

   

4. Wubjerće kontrolny kašćik za Historiju wuprózdnić, hdyž so Firefox začinja.
5. Klikńće na tłóčatko Nastajenja …. Nastajenja za wokno Nastajenja za wuprózdnjenje historije so wočini.
6. Stajće hóčku do kontrolneho kašćika pódla Pufrowak a přeswědčće so, zo druhe zapiski, kotrež chceće wobchować, wubrane njejsu.

   

   • Za dalše informacije wo druhich nastajenjach hlejće Přehladowansku, pytansku a sćehnjensku historiju zhašeć.
7. Klikńće na W porjadku, zo byšće wokno Nastajenja za wuprózdnjenje historije začinił.
8. Začińće stronu Nastajenja. Wšě změny, kotrež sće přewjedł, budu so awtomatisce składować.