Hdyž websydło wopytujeće, so tłóčatko sydłoweje identity (zamk) w adresowym polu nalěwo pódla webadresy jewi. Móžeće spěšnje zwěsćić, hač zwisk z websydłom, kotrež sej wobhladujeće, je zaklučowany, a w někotrych padach komu websydło słuša. To ma wam pomhać, złowólne websydła wobeńć, kotrež pospytuja, so do wašich wosobinskich datow dóstać.
Hdyž sej wěste websydło wobhladujeće, budźe tłóčatko sydłoweje identity šěry zamk. W mało padach wšak widźiće snano šěry zamk z warnowanskim třiróžkom abo šěry zamk z čerwjenej smužku na nim
.
![Fx70GreyPadlock](https://assets-prod.sumo.prod.webservices.mozgcp.net/static/placeholder.688345f843bb37ed.gif)
![Fx89Padlock](https://assets-prod.sumo.prod.webservices.mozgcp.net/static/placeholder.688345f843bb37ed.gif)
Zamk
Šěry zamkZamk bjez warnowanskeho třiróžka abo čerwjeneje smužki na nim podawa, zo:
Sće na kóždy pad z websydłom zwjazany, kotrehož adresa so w adresowym polu pokazuje a zwisk njeje so wotpopadnył.
- Zwisk mjez Firefox a websydłom je zaklučowany, zo by wotsłuchowanju zadźěwało.
Klikńće na zamk, zo byšće wuslědźił, hač websydło certifikat Extended Validation (EV) wužiwa. EV-certifikat je wosebity typ sydłowehoc ertifikata, kotryž sej chětro rigorozniši proces přepruwowanja identity hač druhe typy certifikatow wužaduje.
Za sydła, kotrež EV-certifikaty wužiwaja, so prawniske předewzaće a městno wobsedźerja websydła pokazujetej, hdyž na šěry zamk kliknjeće.
Zamk z warnowanskim třiróžkom
Šěry zamk Zamk z warnowanskim třiróžkom podawa, zo zwisk mjez Firefox a websydłom je jenož zdźěla zaklučowany a wotsłuchowanju njezadźěwa. Firefox po standardźe njewěsty pasiwny wobsah kaž wobrazy njeblokuje; widźiće prosće warnowanje, zo strona połnje wěsta njeje. Za dalše informacije hlejće Blokowanje měšaneho wobsaha w Firefox.
Šěry zamk Zamk z warnowanskim třiróžkom so tež za warnowanje websydłowych certifikatow jewi, na přikład za sydła ze samosignowanymi certifikatami, kotrež wot dowěry hódneho certifikowanišća wustajene njejsu. To je problem, kotryž dyrbi wuwiwar sydła rozrisać.
Zamk z čerwjenej prěčnej smužku na nim
Šěry zamk Zamk z čerwjenej smužku na nim podawa, zo zwisk mjez Firefox a websydłom so pak přez njewěsty protokol (FTP abo HTTP) nawjazuje pak zo je jenož zdźěla zaklučowany, dokelž sće blokowanje měšaneho wobsaha manuelnje znjemóžnił. Sydło njeje přećiwo wotsłuchowanju abo „nadpadam muža w srjedźiznje“ škitane.