Wutworjeny:
Tutón nastawk wopisuje, kak móžeće z Firefox za Andrpoid na tabletach započeć. Wopisuje rozdźěle mjez wužiwarskimaj dožiwjenjomaj tableta a telefona (tež jako UX znatej). Wužiwarske dožiwjenje tableta Firefox za Android wodźenske elementy horjeka w lajsće pokazuje, zo by wjetšu wulkosć wobrazowki na tabletach zwužitkował.
Slědowacy wobraz wužiwarski powjerch tableta Firefox za Android we wysokim formaće pokazuje.
Slědowacy wobraz wužiwarski powjerch tableta Firefox za Android we wysokim formaće za tablety wulkosće 7" (17,78 cm) pokazuje:
Nawigaciske tłóčatka a menije so horjeka na wobrazowce rozdźěleja, wotlěwa doprawa, kaž we fotach wobrazowki horjeka pokazane:
- Rajtarkowy symbol - Pokazuje ličbu wočinjenych rajtarkow, podótkńće so jeho, zo byšće rajtarki w bóčnicy pokazał. Zo byšće rajtarki w šěrokim formaće schował, trějće nalěwo přez čornu rajtarkowu kromu. Zo byšće rajtarki we wysokim formaće schował, trějće na aktualnej webstronje horje.
- Adresowe polo - Podótkńće so adresoweho pola, zo byšće přistup k swojej historiji a swojim zapołožkam měł. Abo zapodajće webadresu abo pytanski wuraz a tłóčće potom Enter na tastaturje.
- Stronu znowa začitać - Podótkńće so, zo byšće stronu znowa začitał.
- Stronu jako zapołožku składować - Podótkńće so hwěžki, zo byšće swojej lisćinje zapołožkow stronu přidał. Na tabletach wulkosće 7" so hwěžka w meniju město horjeka na wobrazowce pokazuje, zo by so rum na wobrazowce zalutował.
- Hłowny meni - Podótkńće so toho, zo byšće přistup k menijej Firefox za Android měł (tablety wulkosće 7" hwěžku zapołožkow w meniju město w lajsće horjeka pokazuja).
Firefox je za graty Android wšěch wulkosćow wobrazowki optimowany! Budźemy wam pokazować, kak móžeće z polěpšenym tabletowym dožiwjenjom Firefox web přehladować.
Zapis wobsaha
Zapołožki
Podótkńće so hwěžki, zo byšće swoje najlubše strony składował, zo byšće pozdźišo přistup k nim měł. Zo byšće zapołožku wotstronił, wopytajće sydło, kotrež chceće wotstronić a podótkńće so hwěžki hišće raz.
- Jeli wobrazowka tableta je mjeńša hač 10", podótkńće so menijoweho tłóčatka, zo byšće tłóčatko zapołožkow (hwěžku) widźał.
Historija
Firefox wašu přehladowansku historiju po měsacu organizuje, a wam zmóžnja, sej websydła wobhladać, kotrež sće dźensa, wčera abo tydźenja wopytał. Zo byšće sej swoju přehladowansku historiju wobhladał, podótkńće so adresoweho pola, zo byšće startowu wobrazowku pokazał, trějće k wotrězkej Historija. Stajće swój tablet do šěrokeho formata, zo byšće swoju historiju zeskupjenu po měsacu widźał.
Adresowe polo
Podótkńće so adresoweho pola, zo byšće swoju startowu wobrazowku pokazał, přepytajće web abo zapodajće adresu websydła.
- Startowu wobrazowku pokazać: Hdyž so adresoweho pola podótkaće, so waša startowa wobrazowka pokazuje, hdźež přistup k swojim zapołožkam, swojej čitanskej lisćinje, swojim rajtarkam, kotrež sće z druhimi gratam synchronizował a swojim wažnym sydłam maće.
- Pytanja započeć: Přepytajće web, swoje zapołožki, swoju historiju a swoje wočinjene rajtarki, wšě na jednym městnje. Zapodajće prosće swój pytanski wuraz a Firefox wam wuslědki pokaza, mjeztym zo zapodawaće.
- Webadresu zapodać: Zapodajće adresu za websydło, kotrež chceće wopytać.
Rajtarki
Firefox za Android wam zmóžnja, wjacore rajtarki na wašim tableće wočinić. Waše wočinjene rajtarki so na wašej rajtarkowej lajsće nad symbolowej lajstu zjewja.
Nowe rajtarki wočinić
Klikńće na plusowy symbol , zo byšće nowy rajtark wočinił.
Wočinjene rajtarki pokazać
Kulće nalěwo abo naprawo na rajtarkowej lajśce, zo byšće swoje druhe wočinjene rajtarki pokazał.
Zo byšće galeriju swojich wočinjenych rajtarkow pokazał:
- Podótkńće so ličbu rajtarkow:
- Wšě waše wočinjine rajtarki so w galeriji zjewja.
- Wottud móžeće so tež symbola priwanteho modusa podótknyć, zo byšće priwatny rajtark za sydła wočinił, kotrež nochceće w swojej historiji składować.
Rajtarki začinić
Zo byšće rajtark začinił:
- Podótkńće so x horjeka naprawo na rajtarku.
- Podótkńće so x w róžku kóždeho rajtarka z napohlada lisćiny rajtarkow. Jeli wjacore rajtarki su wočinjene, trějće kóždy rajtark nabok, zo byšće jón začinił.
Menijowe tłóčatko
Podótkńće so menijoweho tłóčatka, zo byšće druhe funkcije Firefox wužiwał, na přikład zo byšće wobsah na swój Chromecast abo Roku pósłał, abo zo byšće swoje nastajenja abo přiměrjenja změnił.
Aktualizowanske tłóčatko
Podótkńće so tutoho tłóčatka, zo byšće nowe změny na stronje widźał.
Rajtarki dźělić a synchronizować
Nětko, hdyž zakłady znajeće, hlejće Rajtarki w Firefox za Android wužiwać za informacije wo dźělenju a synchronizowanju wašich rajtarkow.
