Z rjadowakami zapołožkow móžeće swoje zapołožki organizować. Z pomocu Sync móžeće zapołožki na wšěch wašich gratach w rjadowakach składować. Tu zhoniće, kak móžeće tute rjadowaki w Firefox za Android wutworić, přemjenować abo zhašeć.

Nowy rjadowak zapołožkow wutworić

1. Podótkńće so menijoweho tłóčatka.

2. Wubjerće Zapołožki.
3. Podótkńće so symbola „Rjadowak přidać“ horjeka naprawo.
4. Nadrjadowany rjadowak so pod polom Mjeno zjewi, podótkńće so tutoho, zo byšće městno tutoho rjadowaka změnił.
5. Zapodajće w polu Mjeno mjeno noweho rjadowaka a podótkńće so potom symbola hóčki.

Rjadowak zapołožkow přemjenować, přesunyć abo zhašeć

1. Podótkńće so menijoweho tłóčatka.

2. Wubjerće Zapołožki.
3. Pytajće rjadowak zapołožkow, kotryž chceće změnić a podótkńće so symbola třoch dypkow.

• Podótkńće so Wobdźěłać, zo byšće mjeno abo městno rjadowaka změnił.
• Podótkńće so Zhašeć, zo byšće rjadowak zhašał. Wobkrućenski dialog so zjewi.