Składowane hesła w Firefox za Android rjadować

Tutón nastawk je snano zestarjeny.

Wažna změna je so na jendźelskim nastawku přewjedła, na kotrymž tutón přełoženy nastawk bazuje. Doniž so tuta strona njeaktualizuje, wam snano to pomha: Manage saved passwords in Firefox for Android

Firefox for Android Firefox for Android Posledni raz zaktualizowany:

Z pomocu Firefox Lockwise a swojim kontom Firefox móžeće w Firefox składowane přizjewjenja mjez gratami synchronizować. Hdyž sće składowanje a awtowupjelnjenje zmóžnił, dadźa so přizjewjenske daty awtomatisce zapisać, hdyž składowane sydło wopytujeće, kotrež ma składowane přizjewjenje. Zhońće wjace wo tym, kak móžeće tute nastajenja změnić.

Składowane přizjewjenja zmóžnić/znjemóžnić

  1. Podótkńće so menijoweho tłóčatka. Settings icon in address bar in android

  2. Podótkńće so menija Nastajenja
  3. Wubjerće Přizjewjenja a hesła we wotrězku Powšitkowny.
  4. Podótkńće so menija Přizjewjenja a hesła składować.
  5. Wubjerće jednu ze slědowaceju móžnosćow:
    • Před składowanjom so prašeć - Dowoluje wam rozsudźić, kotre přizjewjenja maja so składować.
    • Ženje njeskładować - Přizjewjenja so njeskładuja a njedóstanjeće namołwu je składować.
Pokiw: Zmóžńće wupjelnjenje, zo byšće swoje składowane přizjewjenja awtomatisce zapisał, hdyž websydło wopytujeće.

Přizjewjenja pokazać, kopěrować a zhašeć

To přizjewjenja wobsahuje, kotrež sće składował, mjeztym zo Firefox kaž tež synchronizowane přizjewjenja z Firefox na druhich gratach wužiwašće.

  1. Podótkńće so menijoweho tłóčatka. Settings icon in address bar in android

  2. Podótkńće so menija Nastajenja
  3. Wubjerće Přizjewjenja a hesła we wotrězku Powšitkowny.
  4. Podótkńće so Składowane přizjewjenja. Dyrbiće snano swoje gratowe hesło zapodać, zo byšće sej składowane přizjewjenske daty wobhladał.
  5. Podótkńće so jednoho z přizjewjenjow w lisćinje, zo byšće jo pokazał abo kopěrował.
  6. Podótkńće so čaporoweho symbola, zo byšće wubrane přizjewjenje zhašał. Jeli Sync wužiwaće, so tute přizjewjenje na wšěch swojich synchronizowanych gratach zhaša.
Zo byšće swoje přizjewjenja sortěrował, podótkńće so Składowane přizjewjenja, zo byšće meni wočinił. Wottud móžeće po mjenje (A-Z) abo datumje poslednjeho wužiwanja sortěrować.

Přizjewjenja synchronizować

Hdyž tute nastajenje zmóžnjeće, maće přistup k přizjewjenjam na wšěch synchronizowanych gratach.

  1. Podótkńće so menijoweho tłóčatka. Settings icon in address bar in android

  2. Podótkńće so menija Nastajenja
  3. Wubjerće Přizjewjenja a hesła we wotrězku Powšitkowny.
  4. Podótkńće so Přizjewjenja synchronizować.
  5. Přewjedźće slědowace kroki na wobrazowce, zo byšće swój grat přez QR-kod abo e-mejlowe přizjewjenje koplował.
  6. Móžeće mjeno grata pokazać, hdyž je so poslednja synchronizacija wotměła, a tež wubrać, kotre daty maja so synchronizować.

Je tutón nastawk wužitny był?

Prošu čakajće…

Slědowacy wulkotni ludźo su pomhali, tutón nastawk pisać:

milupo
Illustration of hands

Dobrowólnik

Rosćće a dźělće swoju kompetencu z druhimi. Wotmołwće na prašenja a polěpšće našu wědowu datowu banku.

Dalše informacije