Firefox móže hesła składować, zo njebyšće dyrbjał je kóždy raz zapodać. Móžeće tež swoje składowane hesła pokazać, wobdźěłać abo zhašeć.

Přizjewjenske informacije składować

1. Podótkńće so menijoweho tłóčatka deleka na wobrazowce (meni budźe horjeka naprawo, jeli iPad wužiwaće):
   

2. Podótkńće so Nastajenja w menijowym woknje.
3. Wubjerće Přizjewjenja a hesła we wotrězku Priwatnosć.
4. Podótkńće so suwaka pódla Přizjewjenja składować, zo byšće to zmóžnił .

Kóždy raz, hdyž so pola webstrony přizjewjeće, budźe so was Firefox prašeć, hač chceće swoje wužiwarske mjeno a hesło składować:

Składowane přizjewjenja rjadować

1. Podótkńće so menijoweho tłóčatka deleka na wobrazowce (meni budźe horjeka naprawo, jeli iPad wužiwaće):
   

2. Podótkńće so Nastajenja w menijowym woknje.
3. Wubjerće Přizjewjenja a hesła we wotrězku Priwatnosć.
4. Wubjerće mjeno websydła we wotrězku Składowane přizjewjenja.
5. Podótkńće so Wobdźěłać horjeka naprawo, zo byšće wužiwarske mjeno abo hesło změnił (hdyž so tutoho pola we wobdźěłowanskim modusu podótkaće, so składowane hesło pokaza).
6. Wubjerće Zhašeć, zo byšće składowane přizjewjenske daty zhašał.

Pokiwy

• Zo byšće swoje składowane hesło pokazał, podótkńće so hesłoweho pola a dźeržće jo, zo byšće meni pokazał.
• Podótkńće so pola websydła a dźeržće jo, zo byšće meni pokazał a podótkńće so Kopěrować, zo byšće wotkaz kopěrował abo Wočinić a wupjelnić, zo byšće websydło wočinił a so přizjewił.