Witajće wróćo! Tuta aktualizacija přinjese dalše polěpšenja, zo by wam hładše, bóle integrowane přehladowanske dožiwjenje skićiła. Přidajće wašej wobrazowce Dźensa nowy wodźenski element Firefox a mějće hišće spěšniši přistup na swoje nowe rajtarki a kopěrowane wotkazy. Z pomocu pytanskeho pola maće tež spěšniši přistup na swoje zapołožki. Skićimy wam tež wjace kontrole nad certifikatowymi warnowanjemi.
Zapis wobsaha
Firefox na wobrazowce Dźensa
Jeli swojej wobrazowce Dźensa wodźenski element Firefox přidawaće, móžeće nowe rajtarki spěšnišo wočinić abo wotkazy wopytać, kotrež sće do swojeho mjezyskłada kopěrował.
Jeli waš grat je zawrjeny, je tłóčatko Ke kopěrowanemu wotkazej we wobrazowce Dźensa schowane, zo by so waša priwatnosć škitała.
Přistup na waše zapołožki z pomocu pytanskeho pola (inteligentneho adresoweho pola)
Hdyž tekst do pytanskeho pola zapodawaće, Firefox přihódne wuslědki z wašich zapołožkow a wuslědkow pytawy pokazuje. Zapisajće prosće swój pytanski wuraz a waše zapołožki so z hwěžku pódla sebje zjewja.
Certifikatowe zmylki wobeńć
Po standardźe Firefox was warnuje, hdyž websydłowy zwisk wěsty njeje, zo by waše daty škitał. Jeli sće sej wěsty, zo chceće sej poprawom njewěste websydło wobhladać, Firefox nětko móžnosć skići, tute warnowanje wobeńć.
Webstrony ćišćeć
Podótkńće so tłóčatka Dźělić deleka na wobrazowce a potom symbola Ćišćeć, zo byšće webstrony do swojich ćišćakow Airprint ćišćał.