Firefox za desktop (za Windows, Mac, Linux atd.) móžnosć skići, hłowne hesło wužiwać, zo byšće wšě swoje składowane hesła škitał. Hdyž je hłowne hesło zmóžnjene, so waše składowane hesła zaklučuja a nimaće přistup k nim, bjeztoho zo byšće hłowne hesło zapodał. Hlejće Use a Primary password to protect stored logins and passwords za dalše informacije.

Kak waše hłowne hesło ze Sync funguje?

Hdyž so Sync wužiwa, so waše přizjewjenje Firefox Accounts z wašimi składowanymi hesłami w zrjadowaku hesłow Firefox składuje. Waše hłowne hesło dyrbi so zapodać, zo by Sync ma přistup k wašemu přizjewjenju Firefox Accounts měł. Hdyž je hłowne hesło zapodate, ma Sync tež přistup k wašim druhim składowanym hesłam a móže je mjez wašimi gratami synchronizować.

Kak waše hesła wěste wostawaja?

Hdyž hesła websydłow składujeće, funkcija hłowneho hesła je zaklučuje, prjedy hač so na wašim ličaku składuja, dekoduje je potom, hdyž so Sync přepodawaja, po tym zo sće hłowne hesło zapodał. Sync potom waše dekodowane hesła wozmje, zaklučuje je z pomocu druheje (a lěpšeje) zaklučowanskeje šemy na zakładźe wašeho hesła Firefox Accounts znowa, prjedy hač zaklučowanu wersiju online za składowanje na serwerach Sync sćeleće. Zaklučowane kopije wašeho hesła so ženje online njepřenošuja.

Hačrunjež Sync waše hesła online a na serwerach Sync zaklučuje, njepospytuje je na graće samym zaklučować - to je nadawk hłowneho hesła. Hłowne hesło same so mjez gratami njesynchronizuje, móžeće tuž druhe (abo žane) hłowne hesło na druhich gratach měć.

Pokiw: Zmóžńće hłowne hesło na kóždym graće, zo byšće škit powyšił. Hlejće Use a master password to protect stored logins and passwords

Što je z Android a iOS Apple?

Mobilne wersije Firefox waše hesła lokalnje zaklučuja, spušćeće pak skerje na zatwarjenu wěstotu grata hač na hłowne hesło. Hesło wašeho konta Firefox je trěbne, zo byšće ze Sync zwjazał, tohodla da so kóžde přizjewjenje na wašnje znowa zaklučował, z kotrymž druhe graty móža dešifrować.