Firefox pokazuje wam snano zdźělenku „Warnowanje: Njewotmołwjacy skript“, kotryž praji: „Skript na tutej stronje snano dźěła abo hižo njewotmołwja. Móžeće skript nětko zastajić abo z nim pokročować, zo byšće widźał, hač skript zakónči.“ Tutón nastawk wopisuje, čehoždla tutón zmylk móhł wustupować a wobjednawa móžne woprawdźite a nuzowe rozrisanja.

Tutón zmylk wam zdźěla, zo Firefox sej mysli, zo skript z kontrole přińdźe a to móhło k tomu wjesć, zo Firefox wisa, jeli ničo nječiniće. Skript móhł na webstronje być, na kotruž maće runje přistup, w rozšěrjenju, kotrež sće instalował abo samo w Firefox samym.

Běžny čas skripta powyšić

Jeli widźiće, zo so samsny dialog při kliknjenju na tłóčatko Pokročować znowa jewi, njebudźe wam pomhać, běžny čas powyšić. Přez to budźe Firefox dlěje wisać. Jeli wšak móžeće po kliknjenju na Pokročować Firefox normalnje wužiwać, da skript snano přidatny wuwjedźenski čas trjeba.

Zo byšće Firefox zdźělił, zo ma skript dlěje běžeć dać:

1. Zapodajće about:config do adresoweho pola a tłóčće Enter↩.
   Warnowanska strona móže so jewić. Klikńće na Riziko akceptować a pokročować, zo byšće so na stronu about:config dóstał.
2. Pytajće na stronje about:config za nastajenjom dom.max_script_run_time.
3. Klikńće na tłóčatko Wobdźěłać a zapodajće 20.
4. Klikńće na hóčku , zo byšće nastajenje składował.

Dokelž skripty nětko smědźa dlěje běžeć, snano tute warnowanje hižo njedóstanjeće.

Jeli tute warnowanje hišće dóstanjeće (abo jeli chceće je zaso widźeć), stajće tute nastajenje na standardnu hódnotu wróćo.

1. Zapodajće about:config do adresoweho pola a tłóčće Enter↩.
   Warnowanska strona móže so jewić. Klikńće na Riziko akceptować a pokročować, zo byšće so na stronu about:config dóstał.
2. Pytajće na stronje about:config za nastajenjom dom.max_script_run_time.
3. Klikńće na tłóčatko Wróćo stajić .

Zmylk z wěstymi websydłami wustupuje

Jeli tutón zmylk jenož z wěstymi websydłami wustupuje, móžeće wuwjedźenje skriptow na tym websydle blokować. Wjele sydłow hišće funguje, hdyž skripty su znjemóžnjene.

1. Instalujće rozšěrjenje JavaScript Toggle On and Off.
2. Klikńće na menijowe tłóčatko , potom na Přidatki a drasty a wubjerće Rozšěrjenja.
3. Pytajće za zapiskom JavaScript Toggle On and Off a klikńće na tłóčatko NastajenjaNastajenja.
4. Kulće dele k tekstowemu polu Black-list (Čorna lisćina) a zapodajće URL sydła, kotrež wam problemy zawinuje.
5. Klikńće na Składować. Mjeno domeny sydła so lisćinje přida.

Nětko, dokelž so problematiskemu sydłu wuwjedźenje skriptow zadźěwa, so na tutym sydle warnowanja wo njewotmołwjacych skriptach hižo njepokazaja.

Druhe zawiny

Rozšěrjenje móhło tutón problem zawinować. Hlejće Problemy z rozšěrjenjemi, drastami a hardwarowym pospěšenjom rozrisać.

Bazuje na informacijach z nastawka Unresponsive Script Warning (mozillaZine KB)