Witajće k nowej wersiji Firefox za Android (wersija 104). W tutej wersiji namakaće slědowace aktualizacije:

We formularach wašu adresu awtomatisce přidać

Móžeće w Firefox za Android swoju adresu do formularow awtomatisce zapisać. Tuta funkcija je po standardźe zmóžnjena, ale móžeće ju kóždy čas w nastajenjach awtomatiskeho wupjelnjenja znjemóžnić. Móžeće tež swoje adresy w swojich nastajenjach přidać a rjadować. Zhońće wjace wo rjadowanju adresow awtomatiskeho wupjelnjenja.

Zmylkowe porjedźenja a polěpšenja

• Namołwa, hesło LastPass awtomatisce zapisać, so pod wopačnym polom hižo njepokazuje.
• Mikrofonowa zdźělenka za awdionatočenje so kaž wočakowana jewi.
• Blokowanska lisćina GPU je so porjedźiła, zo bychu so spady grafiki wobešli.
• Móžeće nětko z tekstowych polow kopěrować, štož njeje do toho móžno było.
• Přidatne websydła su so porjedźili, kotrež njejsu w striktnym modusu polěpšeneho slědowanskeho škita korektnje začitali.
• Zmylk kulenskeho wukona je so porjedźił, kotryž k wotrubanemu kulenju město łahodneho kulenja wjedźeše.
• Spady bjezbarjernosće su so porjedźili.