„ეკრანი-ეკრანში“ (როგორც ზოგჯერ უწოდებენ სურათი-სურათში) საშუალებას გაძლევთ, ვიდეოები ამოაგდოთ ვებგვერდიდან და დატოვოთ ნებისმიერი ფანჯრის ზემოთ. შედეგად შეძლებთ სხვადასხვა ჩანართზე გადასვლას ისე, რომ არ შეწყვეტთ ვიდეოსთვის თვალის დევნებას.

ეკრანი-ეკრანში უზრუნველყოფს გაუმჯობესებულ მოქნილობას — შეგიძლიათ გახსნათ არაერთი ვიდეო და ადვილად განალაგოთ ან შეუცვალოთ ზომები სურვილისამებრ. შემეცნებით მასალას უყურებთ, გასართობს თუ სასწავლოს, ეკრანი-ეკრანში გაგიიოლებთ გაშვების, შეჩერების, დადუმების, გადახვევისა და სრულეკრანიანი ჩვენების შესაძლებლობებს — ვინაიდან ყველა ღილაკი იქვე იქნება ხელმისაწვდომი მიმდინარე ჩანართის დაუტოვებლად. შეუფერხებელი მრავალამოცანიანობა, რომელსაც უზრუნველყოფს ეკრანი-ეკრანში Firefox-ში, გეხმარებათ საქმის უკეთ კეთებასა და შედეგიანობის გაუმჯობესებაში. ამ სტატიაში იხილავთ მითითებებს სხვადასხვა შესაძლებლობით სრულად სარგებლობისა და ვიდეოების უფრო მოხერხებულად ყურებისთვის.

როგორ გამოიყენება ეკრანი-ეკრანში

გადამრთველი ეკრანზე

ეკრანი-ეკრანში გადამრთველი გამოჩნდება თაგვის მაჩვენებლის გადაატარებისას ვიდეოზე.

ეკრანი-ეკრანში გადამრთველი პირველ დაწკაპებამდე

და პირველად დაწკაპების შემდეგ:

გადამრთველზე დაწკაპებით მოცემული ვიდეოსთვის გაიხსნება ეკრანი-ეკრანში, რომ შეუფერხებლად განაგრძოთ ყურება.

გადამრთველისთვის ადგილის შეცვლა

გადამრთველის ნიშანზე მარჯვენა წკაპით გამოჩნდება საპირისპირო მხარეს გადატანის ასარჩევი – ეკრანი-ეკრანში გადამრთველის მარცხნივ გადატანა

ეკრანი-ეკრანში მისამართების ველიდან

Firefox-ის 116 ვერსიიდან კიდევ უფრო იოლად შეგიძლიათ გაუშვათ ეკრანი-ეკრანში ერთი ვიდეოს შემცველი ვებგვერდიდან. მხოლოდ მონახეთ ნიშანი მისამართების ველის მარჯვენა მხარეს, რომ აამოქმედოთ ეს შესაძლებლობა. ეს ნიშანი და ვიდეოზე მდებარე გადამრთველი ურთიერთშეწყობილად იმუშავებს, ოღონდ მაშინ, როცა ვებგვერდზე ერთი ვიდეოა. რამდენიმე ვიდეოს არსებობისას ან თუ ვიდეოები არაა, ხატულა დამალული იქნება.

ეკრანი-ეკრანში მარჯვენა წკაპით

კიდევ ერთი გზა, რომ ჩართოთ ეკრანი-ეკრანში, მარჯვენა წკაპის გამოყენებაა. მხოლოდ დაწკაპეთ ვიდეოზე მარჯვენა ღილაკით და გამოჩნდება გაშვების, შეჩერების, დადუმების, აჩქარებისა და სხვა შესაძლებლობები:

ამასთანავე, როცა ვიდეო სრულ ეკრანზეა გაშვებული, ეკრანი-ეკრანში არ გამოჩნდება მარჯვენა წკაპის მენიუში. ჯერ სრული ეკრანიდან უნდა გამოხვიდეთ, რომ შეძლოთ ეკრანი-ეკრანში გადართვა ხატულათი ან მარჯვენა წკაპით. დაიხსომეთ, რომ კლავიატურის მალსახმობი ეკრანი-ეკრანში ასამოქმედებლად სრულეკრანიან რეჟიმშიც იმუშავებს.

ქვეწარწერები და ზედწარწერები

თუ იყენებთ ქვეწარწერებს, ანუ სუბტიტრებს ვიდეოების ყურებისას მხარდაჭერილ საიტებზე, აგრეთვე ხილული დარჩება, როცა გაეშვება ეკრანი-ეკრანში. მხოლოდ წინასწარ ჩართეთ წარწერები, სანამ ამოქმედდება ეკრანი-ეკრანში, რომ ავტომატურად გამოჩნდეს.

კლავიატურის მალსახმობები

კლავიატურის ღილაკებით წვდომისთვის გამოიყენეთ Ctrl + Shift + ]. Firefox ეცდება ამოარჩიოს ვებგვერდიდან მეტად მნიშვნელოვანი ვიდეო და გაუშვას ეკრანი-ეკრანში, ანდაც დახუროს, თუ უკვე გაშვებულია.კლავიატურით წვდომისთვის გამოიყენეთ ღილაკები Command + Shift + Option + ]. Firefox ეცდება ამოარჩიოს ვებგვერდიდან მეტად მნიშვნელოვანი ვიდეო და გაუშვას ეკრანი-ეკრანში.

მოცემული მალსახმობებია ხელმისაწვდომი ვიდეოს გაშვებისა და ხმის დონის სამართავად:

• Ctrl + ↓Command + ↓: დადუმება
• Ctrl + ↑Command + ↑: ახმოვანება
• ↓: ხმის დაწევა
• ↑: ხმის აწევა
• ←: 5 წამით უკან გადახვევა
• →: 5 წამით წინ გადახვევა
• Ctrl + ←Command + ←: 10%-ით უკან გადახვევა
• Ctrl + →Command + →: 10%-ით წინ გადახვევა
• Home: ვიდეოს დასაწყისში გადახვევა
• End: ვიდეოს ბოლოში გადახვევა
• Space: შეჩერება/გაშვება
• ორმაგი წკაპი ან F: სრულ ეკრანზე გაშვება ან დაპატარავება
• Ctrl + WCommand + W: დაიხურება ეკრანი-ეკრანში

ხშირად დასმული კითხვები

როგორ გავთიშო ეკრანი-ეკრანში?

შეგიძლიათ მოირგოთ სურვილისამებრ და საერთოდ მოაცილოთ გადამრთველი, რომ აღარ გამოჩნდეს ვიდეოს ზემოდან. ეს შესაძლებელია პირდაპირ გადარმთველიდან ან პარამეტრებიდან.

• გადამრთველის ჩართვა/გამორთვა:

1. მონახეთ ვიდეო, რომელზეც ჩანს ეკრანი-ეკრანში გადამრთველი.
2. მარჯვენა წკაპი გადამრთველზე.
3. გამოჩნდება ეკრანი-ეკრანში გადამრთველის დამალვა და დაწკაპეთ გამოსართავად.

   

• გადამრთველის ჩართვა/გამორთვა პარამეტრებიდან:

თუ არ გსურთ გამოჩნდეს სამართავი მაჩვენებლის ვიდეოს ზემოდან გადატარებისას, შეგიძლია დამალოთ Firefox-პარამეტრებიდან. (შენიშვნა: ეკრანი-ეკრანში მაინც გაეშვება ხოლმე მარჯვენა წკაპით ვიდეოზე). ამავე გზით შეგიძლიათ კვლავ გამოაჩინოთ, როცა მოგესურვებათ.

1. მენიუს ზოლზე ეკრანის ზემოთა არეში, დაწკაპეთ Firefox და აირჩიეთ პარამეტრები ან მახასიათებლები თქვენი macOS-ვერსიის შესაბამისად.დაწკაპეთ მენიუს ღილაკზე და აირჩიეთ პარამეტრები.
2. გამოჩნდება მთავარი განყოფილება და ჩაუყევით გვერდების მონახულების არემდე.
3. მოხსენით მონიშვნა ეკრანი-ეკრანში ვიდეოს სამართავს.

თუ კვლავ მოისურვებთ ჩართვას, მხოლოდ დააბრუნეთ მონიშვნა.

რატომ არ ჩანს ჩემთან ეკრანი-ეკრანში გადამრთველი?

• გადამრთველი მხოლოდ ჩანს 45 წამზე დიდი ხანგრძლივობის ხმოვან ვიდეოებზე.

• აგრეთვე არ გამოჩნდება, როცა ვიდეო სრულ ეკრანზეა გაშვებული.

• გარდა ამისა, თავად შემმუშავებლებსაც აქვთ შესაძლებლობა, უარი განაცხადონ საკუთარ საიტზე განთავსებული ვიდეოების ამ გზით გაშვებაზე და არ გამოაჩინონ ეკრანი-ეკრანში ღილაკი ვიდეოზე, მომხმარებლებს კი აუწყონ, რომ ამ საიტისთვის შეუფერებელია ვიდეოების საყურებლად ეკრანი-ეკრანში. ასეთ შემთხვევაში Firefox გამოაჩენს შეტყობინებას, რომ ეკრანი-ეკრანში არასასურველია ამ საიტზე. მიუხედავად ყველაფრისა, გექნებათ საშუალება უგულებელყოთ გაფრთხილება და აირჩიოთ მაინც გაშვება, რაც განიჭებთ უფლებამოსილებას, თავად გადაწყვიტოთ გჭირდებათ თუ არა ეკრანი-ეკრანში, იმისდა მიუხედავად, ეს საიტის შემმუშავებელს გულდაწყვეტილს დატოვებს თუ არა.