Firefox-ში დაგროვებული მარაგი (ინგ. cache, გამოითქმის „ქეში“), ეწოდება დროებით შენახულ სურათებს, სკრიპტებსა და ვებსაიტის სხვა ნაწილებს, რომელთა მომარაგებითაც ბრაუზერი უფრო სწრაფად ახერხებს გვერდების გახსნას. ამ სტატიაში განხილულია დაგროვებული მარაგის მოცილება ბრაუზერიდან, ე. წ. ბრაუზერის ქეშის გასუფთავება.

• სრულად თუ გსურთ წაიშალოს ბრაუზერის ისტორია (მათ შორის ფუნთუშები, მონახულებული გვერდები, დროებითი მარაგი და სხვა), იხილეთ მონახულებული, მოძიებული გვერდებისა და ჩამოტვირთვების გასუფთავება Firefox-ში.

დროებითი მარაგის გასუფთავება

1. მენიუს ზოლზე ეკრანის ზემოთა არეში, დაწკაპეთ Firefox და აირჩიეთ პარამეტრები ან მახასიათებლები თქვენი macOS-ვერსიის შესაბამისად.დაწკაპეთ მენიუს ღილაკზე და აირჩიეთ პარამეტრები.
2. გადადით პირადულობისა და უსაფრთხოების არეში (Privacy & Security).
3. მონახეთ ფუნთუშები და საიტის მონაცემები და დაწკაპეთ მონაცემების გასუფთავება… (Clear Data).

   

4. მოხსენით მონიშვნა ფუნთუშებსა და საიტის მონაცემებს.
   • ვრცლად საიტის მონაცემების განკარგვის შესახებ იხილეთ საიტის ადგილობრივი საცავის გამართვა.
5. დატოვეთ მონიშნული მომარაგებული ვებშიგთავსი და დაწკაპეთ ღილაკი გასუფთავება.
6. დახურეთ about:preferences გვერდი. შეტანილი ცვლილებები შეინახება.

დროებითი მარაგის ავტომატურად გასუფთავება

ბრაუზერის გასუფთავება დაგროვებული მარაგისგან შესაძლებელია ავტომატურადაც, როცა Firefox დაიხურება:

1. მენიუს ზოლზე ეკრანის ზემოთა არეში, დაწკაპეთ Firefox და აირჩიეთ პარამეტრები ან მახასიათებლები თქვენი macOS-ვერსიის შესაბამისად.დაწკაპეთ მენიუს ღილაკზე და აირჩიეთ პარამეტრები.
2. აირჩიეთ პირადულობა და უსაფრთხოება და მონახეთ ისტორია.
3. ჩამოსაშლელი ველიდან მიუთითეთ, რომ Firefox მონაცემებს მონიშნული მითითებებით განკარგავს (Use custom settings for history).

   

4. მონიშნეთ უჯრა ისტორიის გასუფთავება, როცა Firefox დაიხურება (Clear history when...).
5. დაწკაპეთ ღილაკი პარამეტრები…. გაიხსნება ფანჯარა დათვალიერებული გვერდების წაშლა.
6. დაუსვით ნიშანი დროებით მომარაგებულ ფაილებს და დარწმუნდით, რომ სხვა მონაცემები არაა მონიშნული, რომელთა დატოვებაც გსურთ.

   

   • ვრცლად დანარჩენი მოსანიშნი პარამეტრების შესახებ იხილეთ მონახულებული, მოძიებული გვერდებისა და ჩამოტვირთვების გასუფთავება Firefox-ში.
7. დაწკაპეთ ცვლილებების შენახვა და დაიხურება დათვალიერებული გვერდების წაშლის ფანჯარა.
8. დახურეთ about:preferences გვერდი. შეტანილი ცვლილებები შეინახება.