Profil Firefox składuje wšě waše wažne daty, kaž na přikład zapołožki, historiju, placki a hesła. Tutón nastawk wujasnja, kak móžeće dataje do noweho profila kopěrować, nalistuje wažne dataje, kotrež so w profilu składuja, a wopisuje, kotre daty so w tutych datajach składuja.

• Zo byšće daty mjez wjacorymi profilemi a gratami synchronizował a dźělił, hlejće Kak zarjaduju Sync na swojim ličaku? a Kotre typy informacijow móžu z Firefox synchronizować?
• Zo byšće k druhemu profilej přešoł, wobnowće falowace daty a nastajenja, hlejće Wužiwarske daty wobnowić, kotrež po aktualizaciji Firefox faluja.

Aktualny profil zawěsćić

Prjedy hač započnjeće, poruča so, zo dospołne zawěsćenje swojeho eksistowaceho profila Firefox přewjedźeće, za pad, zo so něšto nimokula. Prošu čitajće nastawk Daty w profilach Firefox zawěsćić a wobnowić za instrukcije.

Nowy profil Firefox załožić

Zo byšće wjace wo tym zhonił, kak móžeće čisće nowy profil Firefox załožić, čitajće prošu nastawk Profile Firefox z pomocu profiloweho zrjadowaka załožić a wotstronić.

Dataje mjez profilowymi rjadowakami kopěrować

1. Wočińće stary profilowy rjadowak Firefox, kotryž dataje wobsahuje, kotrež chceće do noweho profila kopěrować.
   Jeli daty z rjadowka Stare daty Firefox kopěrujeće, kotryž je so wutworił, mjeztym zo sće Firefox wobnowił, wočińće prosće profilowy rjadowak, kotryž wobsahuje; hewak, jeli móžeće Firefox z pomocu stareho profila wočinić:
   • Klikńće na menijowe tłóčatko , potom na Pomoc a wubjerće Informacije za rozrisowanje problemowWubjerće z menija Pomoc Informacije za rozrisowanje problemow Rajtark Informacije za rozrisowanje problemow so wočini.
   • Klikńće pod wobłukom Zakłady nałoženja pódla profiloweho rjadowakarjadowaka na Rjadowak wočinićW Finder pokazaćRjadowak wočinić. Wokno so wočini, kotrež waš profilowy rjadowak wobsahuje. Waš profilowy rjadowak so wočini.
   Pokiw: Jeli njemóžeće Firefox wočinjeć abo wužiwać, slědujće instrukcijam w nastawku Waš profil namakać, bjez toho, zo by so Firefox wočinił.
2. Začińće Firefox, jeli je wočinjeny:
3. Klikńće z prawej tastu myškiDźeržće tastu control stłóčenu a klikńće na dataju, kotruž chceće kopěrować a wubjerće Kopěrować.
4. Wočińće nowy profilowy rjadowak Firefox, kak je so horjeka w kroku 1 rozjasniło.
5. Klikńće z prawej tastu myškiDźeržće tastu control stłóčenu a klikńće znutřka profila a wubjerće Element einfügenEinfügen.

Wospjetujće kroki 3-5 za kóždu dataju, kotruž chceće do swojeho noweho profiloweho rjadowaka kopěrować.

Při kopěrowanju wašich wosobinskich datow ze stareho profila do noweho profila, móže so stać, zo tež dataju kopěrujeće, kotraž tón problem zawinuje, kotryž chceće wotbyć! Čim wjace datajow kopěrujeće, ćim wjetša je prawdźepodobnosć, zo to so stanje. Poručamy tohodla, zo:

• jenož minimalnu ličbu datajow kopěrujeće, kotrež waše najwažniše daty wobsahuja, bjez kotrychž prosće njemóžeće wuńć.
• jenož mało datajow naraz kopěrujeće, a potom přepruwujeće, hač problem, kotryž chceće wotbyć, zaso wustupuje.

Waše wažne daty a jich dataje

Zapołožki, sćehnjenja a přehladowanska historija

• places.sqlite

Tuta dataja wobsahuje wšě waše zapołožki a nalistuje dataje, kotrež sće sćahnył a websydła, kotrež sće do toho wopytał. Za dalše informacije hlejće Ze zapołožkami swoje najlubše webstrony składować.

• favicons.sqlite

Tuta dataja fawikony, małke wobrazki websydłow, składuje. Najlěpje zapřijimaće tutu dataju, hdyž dataju places.sqlite wobnowjeće.

Hesła

Waše hesła składuja so w dwěmaj rozdźělnymaj datajomaj, wobě stej trěbnej:

• key4.db

Tuta dataja składuje wašu klučowu datowu banku za waše hesła. Zo byšće składowane hesła přenošował, dyrbiće tutu dataju hromadźe ze slědowacej dataju kopěrować.

• logins.json

Zaklučowane informacije wo wašich składowanych wužiwarskich mjenach a hesłach.

Za dalše informacije hlejće Zrjadowak hesłow - hesła w Firefox sej spomjatkować, zhašeć, změnić a importować.

Specifiske nastajenja sydłow

• permissions.sqlite

Tuta dataja składuje wjele z wašich prawow Firefox, kotrež so na jednotliwe websydła nałožuja. Składuje na přikład, za kotre sydła so stajenje plackow dowoluje abo blokuje, rozšěrjenja instaluja abo wuskakowace wokna wočinjeja atd.

Pytawy

• search.json.mozlz4

Tuta dataja składuje pytawy, kotrež su so wot wužiwarja instalowali. Za dalše informacije hlejće Pytawu w Firefox přidać abo wotstronić.

Wosobinski słownik

• persdict.dat

Tuta dataja składuje swójske słowa, kotrež sće słownikej Firefox přidał. Jeli njejsće ženje słownikej Firefox swójske słowo přidał, nimaće tutu dataju. Za dalše informacije hlejće Prawopisnu kontrolu w Firefox wužiwać.

Awtomatiske wudospołnjenje formularow

• formhistory.sqlite

Tuta dataja sej spomjatkuje, za čimž sće w pytanskim polu Firefox pytał a kotre informacije sće do formularow na websydłach zapodał. Za dalše informacije hlejće Awtomatiske wudospołnjenje formularow.

Placki

• cookies.sqlite

Placki so přez websydła z wjele přičinow wužiwaja. K nim słušeja: Wostanjeće pola websydła přizjewjeny, pola kotrehož sće so do toho přizjewił, spomjatkuja so sej nastajenja, kotrež smědźešće postajić, dokelž websydła wam to dowolichu, waše awtentifikowanje jako wosoba, kotraž je wěste websydło do toho wopytał atd.

Nastajenja wěstotnych certifikatow

• cert9.db

Tuta dataja wšě waše nastajenja za wěstotne certifikaty a [Secure website certificate|wěste websydłowe certifikaty]] składuje, kotrež sće do Firefox importował.

Datajowe typy a sćehnjenske akcije

• handlers.json

Tuta dataja składuje waše nastajenja hladajo na to, štož Firefox ma činić, hdyž na znate datajowe typy storči - dataju składować abo z wěstym nałoženjom wočinić. Za dalše informacije hlejće Wobsahowe typy a sćehnjenske akcije w Firefox.

Bazuje na informacijach nastawka Transferring data to a new profile - Firefox (mozillaZine KB)