Wšě změny, kotrež w Firefox přewjedźeće, na přikład za startowu stronu, wužiwane symbolowe lajsty, nainstalowane rozšěrjenja, składowane hesła a waše zapołožki, so we wosebitym rjadowaku z mjenom profil składuja. Waš profilowy rjadowak składuje so na wosebitym městnje, dźěleny wot programa Firefox, tak zo, jeli je problem z Firefox, waše informacije hišće tam budu. To tež woznamjenja, zo móžeće Firefox wotinstalować bjez toho, zo byšće swoje nastajenja zhubił a njetrjebaće Firefox znowa instalować, zo byšće swoje daty zhašał abo problem rozrisał.
Zapis wobsaha
Kak móžu swój profil namakać?
- Klikńće na menijowe tłóčatko
, potom na a wubjerće Wubjerće z menija Rajtark Informacije za rozrisowanje problemow so wočini.
- Klikńće pod wobłukom Zakłady nałoženja pódla profiloweho rjadowakarjadowaka na . Wokno so wočini, kotrež waš profilowy rjadowak wobsahuje. Waš profilowy rjadowak so wočini.
Waš profil namakać bjez toho, zo by so Firefox wočinił
Firefox po standardźe waš profilowy rjadowak na tutym městnje na wašim ličaku:
C:\Users\<your Windows login username>\AppData\Roaming\Mozilla\Firefox\Profiles\
Windows po standardźe rjadowak AppData chowa, ale móžeće swój profilowy rjadowak takle namakać:
- Tłóčće
+R na tastaturje. Dialog „Ausführen“ so wočini.
- Zapisajće %APPDATA%\Mozilla\Firefox\Profiles\ do tekstoweho pola.
- Klikńće na . Wokno so wočini, kotrež profilowe rjadowaki wobsahuje.
- Klikńće dwójce na profilowy rjadowak, kotryž chceće wočinić. Jeli maće jenož jedyn profil, ma jeho rjadowak „default“ w mjenje.
- Klikńće na startowej wobrazowce na kachličku Desktop. Napohlad desktopa so wočini.
- Stajće kursor do praweho delnjeho róžka, zo byšće so do Charms dóstał.
- Wubjerće charm . Pytanska bóčnica so wočini.
- Zapisajće %APPDATA%\Mozilla\Firefox\Profiles\ do tekstoweho pola bjez toho, zo byšće zapodawansku tastu tłóčił. Lisćina profilowych rjadowakow so zjewi.
- Klikńće na profilowy rjadowak, kotryž chceće wočinić (budźe so we woknje wočinjeć). Jeli maće jenož jedyn profil, ma jeho rjadowak „default“ w mjenje.
- Klikńće Windowsowe tłóčatko . Startowy meni so wočini.
- Zapisajće do pytanskeho pola deleka w startowym meniju:
%APPDATA%\Mozilla\Firefox\Profiles\ bjez toho, zo byšće zapodawansku tastu tłóčił. Lisćina profilow so horjeka w startowym meniju zjewi. - Klikńće na profilowy rjadowak, kotryž chceće wočinić (budźe so we woknje wočinjeć). Jeli maće jenož jedyn profil, ma jeho rjadowak „default“ w mjenje.
- Alternatiwnje móžeće swój profil namakać, hdyž tastu
tłóčiće a potom %APPDATA%\Mozilla\Firefox\Profiles\ zapodawaće.
- Klikńće na Windowsowe tłóčatko
a wubjerće . - Zapodajće:
%APPDATA%\Mozilla\Firefox\Profiles\
a klikńće potom na .
Wokno so wočini, kotrež profilowe rjadowaki wobsahuje. - Klikńće dwójce na profilowy rjadowak, kotryž chceće wočinić. Jeli maće jenož jedyn profil, ma jeho rjadowak „default“ w mjenje.
- Klikńće na symbol Finder w doku. Klikńće na menijowej lajsće na meni ⌥ abo tastu alt stłóčenu a wubjerće . Wokno so wočini, kotrež waš rjadowak „Library“ wobsahuje. , dźeržće
- Wočińće rjadowak Application Support, potom rjadowak Firefox a skónčnje rjadowak Profiles.
- Waš profilowy rjadowak je znutřka tutoho rjadowaka. Jeli maće jenož jedyn profil, ma jeho rjadowak „default“ w mjenje.
- (Ubuntu) Klikńće na meni horjeka naprawo na wobrazowce a wubjerće (hornjoserbsce: Wosobinski rjadowak). Zrjadowak datajow so wočini.
- Klikńće na meni a wubjerće , jeli hišće wubrany njeje.
- Klikńće dwójce na rjadowak z mjenom .mozilla.
- Klikńće dwójce na rjadowak z mjenom firefox. Waš profilowy rjadowak je w tutym rjadowaku. Jeli maće jenož jedyn profil, ma jeho rjadowak „default“ w mjenje.
Kotre daty so w mojim profilu składuja?
Zapołožki, sćehnjenja a přehladowanska historija:
- places.sqlite
Tuta dataja wšě waše zapołožki wobsahuje a nalistuje wšě dataje, kotrež sće sćahnył a websydła, kotrež sće wopytał. - bookmarkbackups
Tutón rjadowak dataje za zawěsćenje zapołožkow składuje, kotrež dadźa so wužiwać, zo bychu waše zapołožki wobnowili. - favicons.sqlite
Tuta dataja wšě fawikony za waše zapołožki Firefox wobsahuje.
Za dalše informacije hlejće Ze zapołožkami swoje najlubše webstrony składować a Zapołožki zawěsćić, wobnowić a na druhi ličak přenošować.
Hesła:
- key4.db
- logins.json
Waše hesła so w tutymaj dwěmaj datajomaj składuja. Za dalše informacije hlejće Zrjadowak hesłow - hesła w Firefox sej spomjatkować, zhašeć, změnić a importować.
Nastajenja wěstych websydłow:
- permissions.sqlite
- content-prefs.sqlite
Tutej dataji wjele wašich prawow Firefox składujetej (na přikład kotre sydła smědźa wuskakowace wokna pokazać) abo skalěrowanske schodźenki, kotrež so na zakładźe wěsteho sydła nastajeja (hlejće Font size and zoom - increase the size of web pages).
Pytawy:
- search.json.mozlz4
Tuta dataja pytawy składuje, kotrež su so wot wužiwarja instalowali. Za dalše informacije, hlejće Pytawu w Firefox přidać abo wotstronić.
Wosobinski słownik:
- persdict.dat
Tuta dataja swójske słowa składuje, kotrež sće słownikej Firefox přidał. Za dalše informacije hlejće Prawopisnu kontrolu w Firefox wužiwać.
Historija awtowudospołnjenja:
- formhistory.sqlite
Tuta dataja sej spomjatkuje, za čimž sće w pytanskim polu Firefox pytał a kotre informacije sće do formularow na websydłach zapodał. Za dalše informacije hlejće Awtomatiske wudospołnjenje formularow.
Placki:
- cookies.sqlite
Plack je informacija, kotruž websydło, kotrež sće wopytał, na wašim ličaku składuje. Zwjetša to su sydłowe nastajenja abo přizjewjenski status. Wšě placki so w tutej dataji składuja.
DOM-składowak:
DOM-składowak (jendźelsce: DOM Storage) je móžnosć, zo by wulke mnóstwa datow wěsćišo składował a lóšo wužiwał hač to by z plackami móžno było.
- webappsstore.sqlite
Infformacije za websydła so w tutej dataji składuje - chromeappsstore.sqlite
Tuta dataja informacije za strony about:* so składuje.
Rozšěrjenja:
- extensions
Tutón rjadowak składuje, jeli eksistuje, dataje za rozšěrjenja składuje, kotrež sće instalował. Zo byšće wjace wo rozšěrjenjach Firefox a druhich přidatkach zhonił, hlejće Přidatki namakać a instalować, zo bychu Firefox přiměrili.
Wěstotne nastajenja za certifikaty:
- cert9.db
Tuta dataja wšě waše wěstotne nastajenja za certifikaty a SSL-certifikaty składuje, kotrež sće do Firefox importował.
Wěstotne nastajenja za graty:
- pkcs11.txt
Tuta dataja konfiguraciju wěstotneho modula składuje.
Sćehnjenske akcije:
- handlers.json
Zuta dataja waše nastajenja składuje, kotrež Firefox zdźěleja, štož ma činić, hdyž na wosebity datajowy typ storči. Na přikład su tu nastajenja składowane, kotrež Firefox zdźěleja, zo ma PDF-dataju z Acrobat Reader wočinić, hdyž na nju kliknjeće. Za dalše informacije hlejće Wobsahowe typy a sćehnjenske akcije w Firefox.
Składowane posedźenje:
- sessionstore.jsonlz4
Tuta dataja tuchwilu wočinjene rajtarki a wokna składuje. Za dalše informacije hlejće Předchadne posedźenje zaso wobnowić - waše najnowše rajtarki a wokna zaso pokazać.
Nastajenja woknowych pozicijow a woknoweho dialoga:
- xulstore.json
Tuta dataja wulkosć a poziciju hłowneho wokna a bibliotekoweho wokna Firefox składuje, wubranych špaltow, kotrež su w bibliotekowym woknje wubrane a rozfałdowanych rjadowakow w bóčnicy zapołožkow a w bóčnicy historije.
Wužiwarske nastajenja:
- prefs.js
Tuta dataja přiměrjene wužiwarske nastajenja składuje, kaž na přikład změny, kotrež w dialogach nastajenjow a při přiměrjenju symbolowych lajstow přewjedźeće (Wodźenske elementy, tłóčatka a symbolowe lajsty w Firefox přiměrić). Opcionalna dataja user.js, jeli eksistuje, změnjene nastajenja přepisuje.
Kontejnery:
- containers.json
Tuta dataja podrobnosće kontejnerow składuje, kotrež so přez funkciju kontejnerowych rajtarkow wužiwaja, mjez nimi te, kotrež su so přez rozšěrjenja kaž Facebook Container wutworili.
Z profilemi dźěłać
- Profile Firefox z pomocu profiloweho zrjadowaka załožić a wotstronić wujasnja, kak móžeće nowy profil załožić, nowy standardny profil nastajić a stary profil zhašeć.
- Wužiwarske daty wobnowić, kotrež po aktualizaciji Firefox faluja wujasnja, kak móžeće profilowy zrjadowak wužiwać, zo byšće profile wuměnił, jeli wjacore profile eksistuja.
- Daty w profilach Firefox zawěsćić a wobnowić wujasnja, kak móžeće profil zawěsćić a wobnowić. Wujasnja tež, kak móžeće swoje profilowe daty do druheho městna na swojej krutej tačeli abo do druheho ličaka přesunyć.
- Wažne daty ze stareho profila wobnowić wujasnja, kak móžeće dataje do noweho profila kopěrować a wobsahuje lisćinu datajow, kotrež informacije składuja, kotrež su wužitne za wobnowjenje.