Firefox awtomatisce zawěsćenske kopije wašich zapołožkow wutworja a składuje poslednje 15 zawěsćenskich kopijow. Tutón nastawk wopisuje, kak móžeće swoje zapołožki ze zawěsćenskich kopijow wobnowić, kotrež Firefox wutworja, kak móžeće swójske zawěsćenskich datajow zapołožkow składować a wobnowić a kak móžeće swoje zapołožki na druhi ličak přenošować.

• Jeli naraz waše zapołožki hižo k dispoziciji njejsu, hlejće Zhubjene abo falowace zapołožki wobnowić za informacije wo rozrisowanju problemow.
• Za dalše informacije wo wužiwanju zapołožkow, hlejće Ze zapołožkami swoje najlubše webstrony składować.

Zawěsćic a wobnowić

Manuelnje zawěsćić

1. Klikńće na menijowe tłóčatko Wobraz "fx57menu" njeeksistuje., zo byšće menijowe wokno wočinił. Klikńće na Zapołožki a potom na lajstu Zapołožki rjadować deleka.
2. Klikńće we woknje biblioteki na tłóčatko Importować a zawěsćić a wubjerće potom Zawěsćić....
   
3. Wokno „Datajowe mjeno za zawěsćenje zapołožkow“ so wočinja, wubjerće tam składowanske městno za dataju, kotraž po standardźe bookmarks-"date".json rěka. Desktop je dobre městno, ale móžeće tutu dataju tež na druhim městnje składować, kotrehož adresa hodźi so sej lochko spomjatkować.
4. Składujće dataju bookmarks-*.json. Wokno „Datajowe mjeno zawěsćenja zapołožkow“ so začini a móžeće wokno biblioteki začinić.

Zapołožki ze zawěsćenskeje dataje wobnowić

1. Klikńće na menijowe tłóčatko Wobraz "fx57menu" njeeksistuje., zo byšće menijowe wokno wočinił. Klikńće na Zapołožki a potom na lajstu Zapołožki rjadować deleka.

   

2. Klikńće we woknje biblioteki na tłóčatko Importować a zawěsćić a wubjerće potom Wobnowić.
   
3. Wubjerće zawěsćenje, z kotrehož chceće zapołožki wobnowić:
   • Zapiski z datumom su awtomatiske zawěsćenja zapołožkow.
   • Dataju wubrać... wam zmóžnja, z manuelnje wutworjeneho zawěsćenja wobnowić (hlejće horjeka).
4. Po tym zo sće zawěsćenje wubrał a swoju wólbu wobkrućił, budu so waše zapołožki z toho zawěsćenja wobnowjeć.
5. Začińće wokno biblioteki.

Zapołožki na druhi ličak přenošować

Firefox Sync wužiwać

Móžeće Firefox Sync wužiwać, zo byšće swoje zapołožki wot jednoho ličaka na druhi ličak přenošować.

Firefox Sync je najlěpša móžnosć, zo byšće waše zapołožki (a druhe profilowe daty) mjez wšěmi ličakami, kotrež wužiwaće, synchrone dźeržał. Hlejće Kak zarjaduju Sync na swojim ličaku? za dalše informacije a instrukcije wo tym, kak móžeće jón připrawił.

Zawěsćensku dataju zapołožkow wužiwać

Móžeće tež zawěsćensku dataju zapołožkow z jednoho ličaka wužiwać, zo byšće zapołožki na druhim ličaku wobnowił. To je wužitne, hdyž z někajkeje přičiny njemóžeće zapołožki mjez dwěmaj ličakomaj z pomocu Sync synchronizować.

Zawěsćenska dataja zapołožkow móže pak manuelne zawěsćenje (hlejće horjeka) pak jedne z awtomatiskich zawěsćenjow być, kotraž je w profilowym rjadowaku Firefox w podrjadowaku bookmarkbackups. Składujće zawěsćensku dataju zapołožkow na přenošowanskim mediju (na př. na USB-sticku) a kopěrujće ju na desktop (abo na druhe městno) druheho ličaka. Móžeće potom zawěsćenje we woknje biblioteki Firefox wobnowić, wužiwajo menijowy zapisk Dataju wubrać..., kaž horjeka we wotrězku Zapołožki ze zawěsćenskeje dataje wobnowić wopisane.

Zapołožki po aktualizowanju abo wróćostopnjowanju Windows 10

Hdyž sće swój dźěłowy system Windows 10 zaktualizował a wróćo stopnjował, so rjadowak z mjenjom Windows.old wutwori, a najwjace datow, kotrež su so z aktualizacije abo wróćozestopnjowanja zhašeli, so tam składuje. Jedyn wosebje wužitny element su zapołožki z Firefox. Slědujće instrukcijam we wotrězku Zapołožki ze zawěsćenskeje dataje wobnowić horjeka, a hdyž Dataju wubrać… wuběraće, slědujće šćežce C:\Windows.old\Users\<UserName>\AppData\Roaming\Mozilla\Firefox\Profiles\<filename.default>\bookmarkbackups, k swojim prjedawšim zapołožkam. Přepruwujće datajowy datum za informacije, hdyž so zawěsćenje wutwori. Dźiwajće na to, zo rjadowak zawěsćenja zapołožkow wšě zapołožki w Firefox ze zapołožkami w zawěsćeńskej dataji wuměni.