Firefox-ს დაემატა ჩაშენებული შესაძლებლობა გვერდის სრულად თარგმნისთვის და მისი მეშვეობით შეუფერხებლადაა შესაძლებელი გვერდების მონახულება სასურველ ენაზე. საიტზე გადასვლისას Firefox თავისთავად თარგმნის შიგთავსს პირდაპირ დროში. შესაძლებლობა თანდათან გახდება ხელმისაწვდომი ყველა მომხმარებლისთვის Firefox-ის 118 ვერსიიდან.

როგორ გამოიყენება თარგმნის ხელსაწყოები

გვერდის გადასათარგმნად:

1. როდესაც ეწვევით ვებგვერდს მხარდაჭერილ ენაზე, თარგმნის არე თავისთავად გაიხსნება. თუ ასე არ მოხდა, დაწკაპეთ თარგმნის ნიშანს ხელსაწყოთა ზოლზე ან გვერდის თარგმნას (Translate page) მთავარი მენიუდან .

   

2. Firefox ამოიცნობს გვერდის ენას თავადვე. შესაცვლელად გამოიყენეთ ჩამოსაშლელი მენიუ.

   

3. შემდეგ აირჩიეთ სასურველი ენა გადასათარგმნად ქვედა ჩამოსაშლელი მენიუდან, რომელშიც წინასწარვე იქნება მითითებული პირველი ენა უპირატესობის შესაბამისად. შესაცვლელად გამოიყენეთ ჩამოსაშლელი მენიუ.

   

4. დაწკაპეთ თარგმნა მთლიანი გვერდის გადასათარგმნად.

   

5. გვერდის საწყის ენაზე დასაბრუნებლად, დაწკაპეთ ხელსაწყოთა ზოლზე ნიშანს და აირჩიეთ თავდაპირველის ჩვენება (Show original).

   

თარგმნის პარამეტრების მორგება

თარგმნის სურვილისამებრ მოსარგებად:

1. ხელსაწყოების ზოლზე დაწკაპეთ თარგმნის ნიშანს.

   

2. დაწკაპეთ ხრახსნის ხატულას თარგმნის არეში.

   

3. აირჩიეთ სასურველი პარამეტრები.

   

4. მონიშვნის ნიშანი დაეხატება პარამეტრს დასადასტურებლად, რომ ამოქმედებულია.

   

5. ცვლილების დასაბრუნებლად მხოლოდ მოხსენით მონიშვნა და ნიშანიც გაქრება, რაც მიუთითებს, რომ გაუქმებულია.

ჩადგმული ენების გამართვა

ჩადგმული ენების გასამართად:

1. მენიუს ზოლზე ეკრანის ზემოთა არეში, დაწკაპეთ Firefox და აირჩიეთ პარამეტრები ან მახასიათებლები თქვენი macOS-ვერსიის შესაბამისად.დაწკაპეთ მენიუს ღილაკზე და აირჩიეთ პარამეტრები.
2. მთავარ (General) არეს ჩაუყევით და მონახეთ ენისა და იერსახის (Language and Appearance) პარამეტრები.
3. თარგმანების (Translations) ქვემოთ სიიდან მონიშნეთ ენა, რომელიც გსურთ ხელმისაწვდომი იყოს ბრაუზერში თარგმნისთვის და დაწკაპეთ ჩადგმა (Install). თარგმნის პირველი მცდელობისას ამა თუ იმ ენაზე ან ენიდან თავისით ჩაყენდება მოწყობილობაზე, ასე რომ, ზოგიერთი ენა შეიძლება უკვე ჩაყენებული დაგხვდეთ ამ პარამეტრებთან წდვომისას.

   

4. ენის ამოსაშლელად, მხოლოდ დაწკაპეთ მოცილება (Remove).

   

ᲮᲓᲙ

იმუშავებს Firefox-ის თარგმნის შესაძლებლობა ტექსტის გარდა სხვა შიგთავსზე, როგორიცაა სურათები ან ვიდეოები?

არა, თარგმნის შესაძლებლობა ამჟამად მხოლოდ ვებგვერდის ტექსტს ამუშავებს, არატექსტური მასალა, მათ შორის სურათები, ვიდეოები ან სხვა ურთიერთქმედი ნაწილები კი ვერ გადაითარგმნება.

რა მოხდება, თუ საიტზე შიგთავსი შერეულადაა წარმოდგენილი რამდენიმე ენაზე? მაინც იმუშავებს თარგმნა?

ვინაიდან თარგმნის შესაძლებლობა ძირითადად მიმართულია მთავარ ენაზე, შეიძლება სათანადოდ ვერ დაამუშაოს შერეულ ენაზე შედგენილი მასალა.

შესაძლებელია გვერდის თარგმნა ნაწილობრივ, მაგალითად მხოლოდ ცალკეული მონაკვეთისა ან პარაგრაფის?

ჯერჯერობით თარგმნის შესაძლებლობა განკუთვნილია მხოლოდ მთლიანი გვერდის თარგმნაზე. არაა მხარდაჭერილი ცალკუელი მონაკვეთის ან პარაგრაფის თარგმნა.

მოახერხებს Firefox იმ გვერდების თარგმნას, რომლებიც პაროლითაა დაცული ან ანგარიშზე შესვლით იხსნება?

დიახ, Firefox შეძლებს თარგმნოს პაროლით დაცული ან ანგარიშზე შესვლით გახსნილი ვებგვერდებიც, ვინაიდან შიგთავსი სრულად ჩანს ეკრანზე. თარგმნა იმუშავებს ნებისმიერ გვერდზე, რომლის შიგთავსთან წვდომასაც ახერხებს Firefox და რომლის გამოსახვაც შეუძლია.

როგორ შეიძლება თარგმნილი გვერდის თავდაპირველ ენაზე დაბრუნება?

საწყის ენაზე დასაბრუნებლად თარგმნის შემდეგ, დაწკაპეთ ხელსაწყოთა ზოლის ნიშანზე და აირჩიეთ თავდაპირველის ჩვენება.

რატომაა საჭირო ენების ჩაყენება?

ენების ჩაყენების შედეგად, Firefox მოახერხებს თარგმნოს ადგილობრივად ბრაუზერშივე, პირადულობისა და უსაფრთხოების უზრუნველსაყოფად. ენის ან ენიდან თარგმნის პირველივე მცდელობისას თავისთავად ჩაიდგმება მოწყობილობაზე, ასე რომ, უკვე ჩაყენებული შეიძლება დაგხვდეთ ესა თუ ის ენა შესაბამის პარამეტრებთან წვდომისას Firefox-ში, მთავარ არეში, ენისა და იერსახის განყოფილებაში თარგმანების ქვეშ.

როგორ გავგზავნო მოხსენება გაუმართავი ნათარგმნის შესახებ?

შეგიძლიათ დაგვეხმაროთ Firefox-თარგმანების გაუმჯობესებაში გაუმართაობების მოხსენებით ამ კითხვარის მეშვეობით.

მსგავსი სტატიები

• Firefox-სამართავის, ღილაკებისა და ხელსაწყოების მორგება
• ძიების შემოთავაზებები Firefox-ში